१२ वैशाख, काठमाडौं । प्रधानमन्त्री केपी शर्मा ओलीले काठमाडौं कोरोना बिरामीमुक्त हुँदा सन्तोष लागेको बताएका छन् । शुक्रबार बिहान आफ्नो व्यक्तिगत ट्विटर ह्याण्डलबाट ट्विट गर्दै यस्तो बताएका हुन् ।

उनले ट्विटरमा लेखेका छन्, ‘कोरोना संक्रमित सबैभन्दा पाको उमेरकी ८१ वर्षीया जेष्ठ नागरिक सन्चो हुनुभएसँगै काठमाडौँ उपत्यका हाललाई कोरोना बिरामी मुक्त भएकोमा सन्तोष लागेको छ ।’ उनले डिस्चार्ज भएका सबैको सुस्वास्थ्यको कामना गरेका छन् ।

कोरोना संक्रमित सबैभन्दा पाको उमेरकी ८१ वर्षीया जेष्ठ नागरिक सन्चो हुनुभएसँगै काठमाडौँ उपत्यका हाललाई कोरोना विरामी मुक्त भएकोमा सन्तोष लागेको छ। डिस्चार्ज भएका सबैको फेरि एक पटक सुस्वास्थ्यको कामना गर्दछु।

— K P Sharma Oli (@kpsharmaoli) April 24, 2020

८१ वर्षीया महिला पेप्सीकोलास्थित सनसिटी अपार्टमेन्टकी हुन् । उनी र उनको ५८ वर्षीया छोरालाई कोरोना संक्रमण पुष्टि भएको थियो ।

केही दिनको उपचारपछि उनीहरु दुवै जना बिहीबार डिस्चार्ज भएका छन् । उनीहरु पाटन अस्पतालमा उपचाररत थिए ।

यो पनि पढ्नुहोस कोरोनालाई जितेर छोरासँगै घर फर्किइन् ८१ वर्षीया वृद्धा

कोरोना भाइरसको फैलावटबाट बच्नको लागि सरकारले लकडाउन आह्वान गरेको एक महिना पूरा भइसकेको छ । यो समयसम्म नेपालमा कूल संक्रमित ४८ जना र उपचार पछि निको भएर घर फर्किएहरू नौ जना छन् ।

स्वास्थ्य मन्त्रालयको विहीबारसम्मको तथ्यांकअनुसार ८६ जना आइसोलेसनमा छन् । काठमाडौं उपत्यकामा ४ जना र काठमाडौं उपत्यकाबाहिर ८२ जना आइसोलेसनमा रहेको मन्त्रालयको तथ्यांक छ ।

यो पनि पढ्नुहोस भोजपुरका कोरोना संक्रमितको उदयपुर कनेक्सन

यो पनि पढ्नुहोस भुल्केमा भेटियो प्रदेश सरकार, कोरोना संक्रमणको स्रोत यूपीबाट आएका युवक !