१९ वैशाख, कैलाली । कैलालीका एक युवकलाई कोरोना संक्रमणको आशंकामा आइसोलेसन कक्षमा भर्ना गरिएको छ । जिल्लाको घोडाघोडी नगरपालिका ९ का २५ वर्षीय युवकलाई बिहीबार सेती प्रादेशिक अस्पतालमा भर्ना गरिएको हो ।
उनलाई उच्च ज्वरो र खोकी लागेको अस्पतालका सूचना अधिकारी दिलीप श्रेष्ठले बताए । उनी चैत्र ६ गते भारतको मुम्बईबाट कैलाली आएका हुन् ।
बिहीबार अस्पताल भर्ना भएका युवकको स्वाब संकलन गरिएको अस्पतालले जनाएको छ । स्वाबको रिपोर्ट शनिबार आउने उनले जानकारी दिए ।
