२१ वैशाख, काठमाडौं । नेपाल विद्यार्थी संघ (नेविसंघ)ले विद्यार्थीलाई निःशुल्क इन्टरनेट सुबिधा उपलब्ध गराउन माग गरेको छ ।
लकडाउनमा विश्वविद्यालयहरुले अनलानइन कक्षा सुरु गरिसकेको र सरकारले पनि तयारी गरिरहेको भन्दै नेविसंघले विद्यार्थीलाई निःशुल्क इन्टरनेट उपलब्ध गराउन माग गरेको हो ।
आइतबार नेपाल टेलिकमलाई ज्ञापनपत्र बुझाउँदै नेविसंघले धेरै विद्यार्थी इन्टरनेटको पहुँचमा पुग्ने नसकेकोले विद्यार्थीको परिचयपत्रका आधारमा निःशुल्क इन्टरनेट उपलब्ध गराउन माग गरेको हो ।
हालकै अवस्थामा अनलाइन कक्षा सञ्चालन गर्दा शिक्षामा विभेदीकरण हुने सबैलाई इन्टरनेटको पहुँचमा पुर्याउनु पर्ने नेविसंघको माग छ ।
विश्व स्वास्थ्य संगठनले नै कारोना भाइरसले दुई वर्षसम्म प्रभावित बनाउन सक्ने भनिसकेकोले शिक्षामा पनि दीर्घकालीन उपाय खोज्नु पर्ने महामन्त्री दीपक भट्टराईको भनाइ छ ।
