२७ वैशाख, काठमाडौं । कोरोना भाइरस संक्रमणका कारण इटालीमा मृत्यु हुनेको संख्या ३० हजार नाघेको छ । शुक्रबार थप दुई सय ४३ जनाको मृत्यु भएसँगै मृतकको कुल संख्या ३० हजार दुई सय एक पुगेको हो ।
शुक्रबार मृत्यु भएकाको संख्या बिहीबारको तुलनामा भने कम हो । बिहीबार दुई सय ७४ जनाको मृत्यु भएको थियो । इटालीमा कोरोना संक्रमितको संख्या र मृतकको संख्या पहिलेको तुलनामा केही घटे पनि रोकिएको भने छैन ।
इटालीमा हालसम्म कोरोना संक्रमितको संख्या दुई लाख १७ हजार एक सय ८५ छ ।
कोरोना भाइरस संक्रमण देखिएको इटली युरोपको पहिलो देश हो । संक्रमण रोकथामका लागि देशभर गरिएको लकडाउन हाल बिस्तारै-बिस्तारै खोल्न थालिएको छ ।