२९ वैशाख, काठमाडौं । जाम्बियामा यौन व्यवसायमा संलग्नहरुले कोरोना भाइरस संक्रमितको ट्रेसिङ गर्ने काममा स्वास्थ्यकर्मीहरुलाई सघाइ रहेका छन् । उनीहरुले गरेको सहयोगको जाम्बियाका स्वास्थ्यमन्त्री शितालु शिलुफ्याले तारिफ गरेका छन् ।
जाम्बियाका यौन व्यवसायीहरुले सिमानाको नाकोन्डे क्षेत्रमा कोरोना भाइरस ट्रेसिङमा सघाइरहेको बीबीसीले लेखेको छ ।
जाम्बियाको उत्तरी क्षेत्रमा कोरोना संक्रमितहरु बढेका छन्, जसमा यौन व्यवसायमा संलग्न व्यक्ति र लरी चालकहरुसँग सम्पर्कमा आएकाहरु धेरै छन् ।
नयाँ संक्रमितहरुमध्ये ८५ देखि ७६ जनासम्म यौन व्यवसायमा संलग्न व्यक्ति वा लरी चालकहरु रहेको स्वास्थ्यमन्त्री शिलुफ्याको भनाइ छ । आफ्नो सम्पर्कमा आएका व्यक्तिहरुको बारेमा जानकारी दिएर कोरोना भाइरसको ट्रेसिङ र टेस्टिङमा सघाएको भन्दै मन्त्री शिलुफ्याले भने, ‘यौन व्यवसायीहरुको हामीलाई त्यही जानकारी दिइरहेका छन्, जुन हामीलाई अति आवश्यक छ ।’
जोन्स हप्किन्स विश्वविद्यालयका अनुसार जाम्बियामा २६७ जनामा कोरोना भाइरस संक्रमण पुष्टि भएको छ भने ७ जनाको मृत्यु भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4