७ जेठ, काठमाडौं । पर्साको ठोरीका वासिन्दाको विरोध र अवरोधपछि सीमा नाका दशगजा क्षेत्रमा सुरक्षा पोष्ट बनाउने अडानबाट भारत पछि हटेको छ ।
ठोरी गाउँपालिका–४ का स्थानीयको निरन्तर विरोध र अडानपछि सीमाबाट करिब ३० मिटर पर सारेर सुरक्षा पोष्ट बनाउन भारत सहमत भएको नागरिक समाज ठोरीका अगुवा सन्तोष श्रेष्ठले बताए ।
भारतको वन विभागको टोलीले भ्यूटावरसहितको सुरक्षा पोष्ट बनाउन गिट्टी, बालुवालगायतका निर्माण सामग्रीसमेत ल्याएको थियो ।
भारतीय पक्षले दशगजा क्षेत्रमा भ्यूटावरसहितको सुरक्षा पोष्ट बनाउन खोजेपछि स्थानीयले विरोध गरेको सुवर्णपुरस्थित सशस्त्र प्रहरीका प्रहरी निरीक्षक सिंहवीर (सागर) मल्लले बताए ।
