२०७७ जेठ २२ गते ६:५५ 
२२ जेठ, काठमाडौं । प्रिमियर लिग क्लब टोटनहम हट्सपरका एक जनालाई कोरोना संक्रमण भएको छ । प्रिमियर लिगमा पछिल्लो चरणमा गरिएको परीक्षणमा एक जनालाई कोरोना पोजेटिभ देखिएको हो ।
ती व्यक्ति टोटनहम हट्सपरको भएको क्लबले पुष्टि गरेको छ । यद्यपि उनको नाम भने गोप्य राखिएको छ । अब उनी ७ दिन सेल्फ आइसोलेसनमा बस्नेछन् ।
पछिल्लो पटक १ हजार १९७ जना खेलाडी र स्टाफको परीक्षण गरिएको थियो । प्रिमियर लिगमा अहिलेसम्म पाँच चरणमा गरी कूल ५ हजार ७९ परिक्षण भएको छ जसमा १३ जनामा मात्रै कोरोना पोजेटिभ देखिएको छ ।
प्रिमियर लिगका खेलाडी र स्टाफको सातामा दुई पटक परीक्षण गरिँदै आएको छ । कोरोनाभाइरस महामारीका कारण मार्च देखि स्थगित रहेको प्रिमियर लिग जुन १७ मा फेरी शुरु हुँदैछ ।
प्रतिक्रिया 4