२२ जेठ, काठमाडौं । एम्बुलेन्सलाई तिर्ने पैसा नभएर डालासिस गराउन श्रीमतीलाई ठेलामा अस्पताल लगेका डम्बरबहादुर सिम्खडाले आर्थिक सहयोग पाएका छन्।
गत जेठ ११ गते अनलाइनखबरमा उनको कथा छापिएपछि उनलाई २ लाखभन्दा बढी आर्थिक सहयोग भएको छ।
क्यानाडामा काम गर्ने नेपाली विद्यार्थी कुवेर विस्ट र उनको साथीहरुले उनलाई ३२ हजार ६ सय ४९ रुपैयाँ सहयोग गरेका छन् । अन्य केही व्यक्तिहरुले सिम्खडालाई १ लाख ७० हजारभन्दा बढी आर्थिक सहयोग गरेका छन्। उनीहरुले आफ्नो नाम उल्लेख नगर्न आग्रह गरे ।
