३० जेठ, काठमाडौं । संयुक्त राष्ट्रसंघ (यूएन)ले शुक्रबार कोरोना भाइरस (कोभिड-१९) को महामारीको कारण विश्वभर बालश्रम बढ्ने चेतावनी दिएको छ । यूएनका अनुसार यो महामारीको कारण विश्वभरका लाखौं बालबालिका मजदुरीका लागि बाध्य हुन सक्ने देखिएको हो ।
यूएनले पछिल्लो दुई दशकमा पहिलोपटक विश्वमा बालश्रम बढ्न लागेको बताएको हो । अन्तर्राष्ट्रिय श्रम संगठन (आईएलओ)का अनुसार महामारीको कारण धेरै परिवारको आम्दानीमा असर परेको छ । यस्तो अवस्थामा उनीहरुलाई कुनै सहयोग नहुने हो भने धेरै बालबालिकाहरु मजदुरीको लागि बाध्य हुन सक्ने आईएलओको भनाइ छ ।
अर्थशास्त्रीहरुले विश्वभर नै कोरोना भाइरसको महामारीको कारण अर्थतन्त्रमा गम्भीर असर पर्न सक्ने चेतावनी दिइसकेका छन् ।
आईएलओका अनुसार विश्वभर श्रमिक बालबालिकाको संख्या अहिले १५ करोड २० लाख छ । यो संख्या सन् २००० मा २४ करोड ६० लाख थियो ।
स्रोत : बीबीसी
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4