११ असार, सप्तरी । सप्तरीमा विषालु सर्पले डस्दा १८ महिने बालिकाको मृत्यु भएको छ । मृत्यु हुनेमा राजगढ गाउँपालिका-६ स्थित इनर्वा टोल बस्ने तैयब खानकी १८ महिनाकी छोरी रहेकी छन् । उनलाई बुधबार राति घरमै सुतिरहेको अवस्थामा बिषालु सर्पले डसेको थियो ।
विषालु सर्पको डसाइबाट गम्भीर घाइते भएकी बालिकालाई उपचारका लागि राजविराजतर्फ ल्याउने क्रममा बाटोमै मृत्यु भएको सप्तरीका प्रहरी प्रबक्ता तिलक भारतीले जानकारी दिए ।