मेन्डी रियलका लागि यस सिजन गोल गर्ने २१औं खेलाडी

३० असार, काठमाडौं । फरल्याण्ड मेण्डीले स्पानिस क्लब रियलका लागि पहिलो गोल गरेका छन् । स्पानिस ला लिगा अन्तर्गत ग्रानडाविरुद्धको जितमा उनले पहिलो गोल गरेका थिए । उक्त खेलमा रियलले २-१ ले जितेको थियो ।

मेन्डी यस सिजन रियलका लागि गोल गर्ने २१औं खेलाडी समेत बनेका छन् ।

गत समरमा रियलमा अनुबन्धित भएका फ्रान्सेली लेफ्टब्याक मेन्डीले यो सिजन रियलबाट २३ खेल खेल्दै एक गोल गर्न सफल भएका हुन् । दुई सिजनअघि क्लका सर्वाधिक गोलकर्ता क्रिकस्टियानो रोनाल्डो स्पेन छाडेर बार्सिलोना गएपछि रियलमा फरक फरक खेलाडीले गोल गरिरहेका छन् ।

यस सिजन करिम बेन्जामा रियलको मुख्य गोलकर्ताको रुपमा छन् । यस्तै कोरोना महामारीपछि कप्तान सर्गियो रामोसले पनि गोल गर्ने खेलाडीको रुपमा देखिएका छन् ।

रियलले यस सिजन ला लिगा ३३ गोल गर्दा २२ गोल बेहोरेको छ ।

रियलको फुटबलमा इतिहासमा गोल गर्ने मेन्डी ४०८औं खेलाडी हुन् । मेन्डीले रियलका लागि डेब्यु गर्दा नै राम्रो खेलेका थिए । जसले गर्दा उनले मार्सेलोलाई चुनौती दिन सक्ने अनुमान गरिएको थियो ।

रियलका प्रशिक्षक जिनेदिन जिदानले खेलअघि नै आफू मेन्डीबाट आश्चर्यमा नपरहेको बताएका थिए । उनकै आग्रहमा क्लबले मेन्डीलाई ल्याएको बताए ।

‘उनी क्षमतावान र राम्रो खेलाडी हुन् । तपाईँ उसलाई मार्सेलोसँग तुलना गर्नु सक्नुहुन्न किनकि मार्सेलो भनेको मार्सेलो हो मेन्डी भनेको मेन्डी हो,’ जिदानले भने । मेन्डीले रियल मड्रिडको खेलाडीको रुपमा खेलिरहेका छन् ।

मार्सलेको चोटका कारण लियोनका पूर्व डिफेण्डर मेन्डी यस सिजनको अन्त्यसम्म नै टिमसँग रहनेछन् ।

यस सिजन रियलबाट गोल गर्ने खेलाडीहरु

करिम बेन्जामा : १९

सर्गियो रामोस :१०

कासेमिरो : ४

टोनी क्रुस : ४

लुका मोड्रिच : ३

राफेल भरान ३

भिनिसियस जुनियर : ३

गारेथ बेल : २

मार्को एसेन्सिओ : २

लुकास भास्क्वेज : २

लुका जोभिक : २

फेडरिको भाल्भेर्डे : २

रोड्रिगो : २

एडेन हाजार्ड : १

मार्सेलो : १

ड्यानी कार्भाहाल : १

मारियानो डियाज : १

इस्को : १

नाचो फर्नान्डेज : १

हामेस रोड्रिग्वेज : १

फरल्यान्ड मेन्डी : १