३० असार, बुटवल । लकडाउन अवधिको घरबहाल छुट गर्ने बुटवलका ६० घरधनी सम्मानित भएका छन् ।
कोरोना महामारीको कारण सरकारले गरेको लकडाउनको समयमा १० देखि शत प्रतिशतसम्म घरबहाल छुट गर्ने घरधनीहरुलाई बुटवल उद्योग वाणिज्य संघ र नेपाल घर बहाल सरोकार संघ रुपन्देहीले संयुक्त रुपमा सम्मान गरेका हुन् ।
नेपाल घरबहाल सरोकार संघका केन्द्रीय अध्यक्ष शंकर कोइरालाले लकडाउन अवधिको भाडा छुट गरेर मानवीयता प्रदर्शन गरेकामा घरधनीलाई धन्यवाद दिए । सरकारले पनि व्यवसायीका समस्या मनन् गरेर उचित राहत प्याकेज ल्याउनुपर्ने उनले बताए ।
