Comments Add Comment

एन्फाको वेबसाइट रिलन्च, सूचना पाउन सहज हुने अपेक्षा

३१ असार काठमाडौं । अखिल नेपाल फुटबल संघ एन्फाले आफ्नो अफिसियल वेबसाइट रिलन्च गरेको छ ।

बुधबार एन्फा कम्प्लेक्स सातदोबाटोमा आयोजित कार्यक्रममा राष्ट्रिय सूचना आयोगका अध्यक्ष महेन्द्रमान गुरुङले क्लिक गरेर वेबसाइट रिलन्च गरे । लोजिसपार्क टेक्नोलोजीले एन्फाको वेबसाइट निर्माण गरेको हो ।

एन्फाको वेबसाइटलाई समयसापेक्ष बनाउन र सबै सूचना उपलब्ध गराउन वेबसाइटको पुनर्निर्माण गरिएको एन्फा प्रवक्ता किरण राईले बताए ।

एन्फाले बनाएको नयाँ वेवसाइटको बारेमा फिफा र एएफसीका अध्यक्षले शुभकामनासमेत पठाएका थिए ।

रिलन्च गरिएको वेबसाइटमा एन्फाको गतिविधि, ए, बी र सी डिभिजन क्लबहरुको जानकारी, जिल्ला फुटबल संघको जानकारी, एन्फाको बारेमा जानकारी खेलाडीलगायत विभिन्न जानकारीहरु राखिएको छ । कोचिङ कोर्सको लागि वेबसाइटबाटै फर्म भर्न सकिनेछ ।

एन्फा अध्यक्ष कर्माछिरिङ शेर्पाले एन्फा वेबसाइट रिलन्च गर्दा खुशी लागेको बताए । उनले अब यस वेबसाइट चलाउन सहज हुने र धेरै विशेषता रहेको बताए ।

राष्ट्रिय सूचना आयोगका अध्यक्ष महेन्द्रमान गुरुङले एन्फाको वेबसाइट लन्च भएकोमा बधाई दिदै अब झन् चुनौती थपिएको बताए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment