११ साउन, काठमाडौं । लकडाउनका बेला साथीभाइ जम्मा भएर लुडो खेल्न प्रवृत्ति मौलायो । समय व्यतीत गर्न सामान्यरुपमा लुडो खेल्नु नौलो कुरा होइन ।
तर, पैसा नै राखेर बाजी खेल्न थालेको पाइएपछि प्रहरीले ७ जनालाई पक्राउ गरेको छ ।
काठमाडौं-१४, सुनारगाउँमा राजकुमार कार्कीको घरमा लुडो खेल्ने र खेलाउने गरेको अभियोगमा उनीहरुलाई पक्राउ गरिएको हो । कार्कीले पाँच हजार रुपैयाँ लिएर लुडोको बाजी खेलाउने गरेको पाइएको जनाइएको छ ।
उनीहरुको साथबाट ८७ हजार ५० हजार रुपैयाँ पनि बरामद भएको महानगरीय प्रहरी वृत्त, कालीमाटीका डीएसपी रुगम कुँवरले बताए । उनीहरुले ३५ हजार रुपैयाँसम्मको बाजी खेल्ने गरेको पाइएको छ ।
कुँवरका अनुसार पक्राउ परेका सबै जनाविरूद्ध जुवा ऐनअनुसार म्याद थप गरेर विस्तृत अनुसन्धान थाल्ने तयारी छ ।
