११ साउन, काठमाडौं । रुपन्देहीमा ट्रक र जिप एकआपसमा ठोक्किँदा एकजनाको मृत्यु भएको छ भने एकजना घाइते भएका छन् ।
मृत्यु हुनेमा प्युठानको स्वर्गद्वारी नगरपालिका-५ बस्ने ४० वर्षीय होमबहादुर घर्ती मगर रहेका छन् । सैनामैना नगरपालिका-१ वनकट्टामा लु.१ ख ४७९५ नम्बरको ट्रक र लु.२ च २०२१ नम्बरको जिप आइतबार बिहान एकआपसमा ठोक्किँदा होमबहादुर गम्भीर घाइते भएका थिए । उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको प्रहरीले जनाएको छ ।
प्रहरीका अनुसार दुर्घटनामा परेर जिपका चालक प्युठान स्वर्गद्वारी नगरपालिका-६ बस्ने २३ वर्षीय तेजेन्द्र बुढा मगर घाइते भएका छन् । घाइते तेजेन्द्रलाई उपचारका लागि लुम्बिनी सिटी अस्पताल बुटवलतर्फ लगिएको प्रहरीले जनाएको छ ।
ट्रक र जिपलाई नियन्त्रणमा लिइएको र दुर्घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4