एफएनसीसीआईको विवाद समाधानका लागि समिति गठन

२१ साउन, काठमाडौं । नेपाल उद्योग वाणिज्य महासंघको निर्वाचन सार्ने विषयको विवाद टुंग्याउन ६ सदस्यीय समिति गठन गरिएको छ । बुधबार बसेको महासंघको भर्चुअल केन्द्रीय समिति बैठकले निर्वाचको मोडालिटीबारे अध्ययन गर्न समिति बनाएको हो ।

समितिमा डीबी बस्नेत र अरुणराज सुमार्गी, बिनोद ढकाल, सुनिलगोपाल श्रेष्ठ, भरत आचार्य र रञ्जित आचार्य रहेको महासंघका एक पदाधिकारीले अनलाइनखबरलाई जानकारी दिए ।

उनका अनुसार यो समितिलाई मोडालिटीबारे अध्ययन गर्न १५ दिनको समयसीमा तोकिएको छ । समितिले मोडालिटीका साथै निर्वाचनको प्रस्तावित मितिसमेत उल्लेख गरेर पदाधिकारी बैठकलाई सिफारिस गर्नेछ । उक्त सिफारिसको आवश्यक निर्णय हुने उनले जानकारी दिए ।