२७ साउन, काठमाडौं । श्रीकृष्ण जन्माष्टमीको अवसरमा पाटनस्थित कृष्ण मन्दिरमा आयोजित कार्यक्रममा राष्ट्रपति विद्यादेवी भण्डारी सरिक नहुने भएकी छन् ।
राष्ट्रपति कार्यालयका प्रवक्ता हरिप्रसाद दहालले मंगलबार एक सूचना जारी गर्दै कोरोना भाइरस (कोभिड १९) संक्रमणको महामारीका कारण यो पटकको श्रीकृष्ण जन्माष्टमीको अवसरमा पाटनस्थित कृष्ण मन्दिरको दर्शनमा राष्ट्रपति भण्डारी सरिक नहुने जानकारी गराएका हुन् ।
श्रीकृष्ण जन्माष्टमीको अवसरमा कृष्ण मन्दिरको दर्शनका लागि राष्ट्रपति सरिक हुने परम्परा रहेको थियो ।
