३० साउन, चितवन । चितवनको बीपी कोइराला मेमोरियल क्यान्सर अस्पतालका एक नर्स र तीन कार्यालय सहयोगीमा कोरोना संक्रमण पुष्टि भएको छ ।
भरतपुर कोभिड ल्याबमा बिहीबार राति अबेर गरिएको परीक्षणमा अस्पतालका चार जनालाई संक्रमण देखिएको कार्यकारी निर्देशक डा. देजकुमार गौतमले अनलाइनखबरलाई जानकारी दिए । उनीहरूलाई अस्पतालकै आइसोलेसनमा राखिएको छ ।
अस्पतालका चिकित्सकसहित ३९ जनाको स्वाब संकलन गरी परीक्षणमा पठाइएको थियो । यस्तै क्यान्सर अस्पताल अगाडि होटल व्यवसाय गर्ने एक महिला र एक पुरुषमा समेत कोरोना संक्रमण पुष्टि भएको छ ।