७ भदौ, काठमाडौं । विश्वकै सबैभन्दा बढी उमेरका मानिस भनी दाबी गरिएका एक दक्षिण अफ्रिकालीको ११६ वर्षको उमेरमा निधन भएको छ ।
सन् १९०४ को मेमा जन्मिएका फ्रिडी ब्लोमलाई सबैभन्दा बुढो भनेर दाबी गरिए पनि गिनिज बुकले भने यसलाई प्रमाणित गरेको थिएन । केप टाउनको आफ्नै घरमा उनको शनिबार निधन भएको परिवारले जनाएको छ ।
कोभिड १९ लगायत कुनै रोग विशेषभन्दा पनि उनको निधन प्राकृतिक नै हो भन्ने परिवारको भनाइ छ ।
दक्षिण अफ्रिकाको पूवी केप राज्यका यी व्यक्तिले ८० वर्षभन्दा बढी उमेर हुन्जेल कृषि फार्म र निर्माण उद्योगमा काम गरेको बीबीसीले जनाएको छ ।
उनले केही वर्ष अगाडि मद्यपान त्यागे पनि चुरोटका अम्मली थिए ।
