९ भदौं, काठमाडौं । कोरोना भाइरस (कोभिड–१९) को जोखीम न्युनीकरण र रोकथाममा सरकारले गरेका गतिविधि अनुगमन गर्न संसदीय उपसमिति गठन भएको छ ।
मंगलबार बसेको प्रतिनिधि सभाको शिक्षा तथा स्वास्थ्य समितिको भर्चुअल बैठकले सात सदस्यीय उपसमिति गठन गरेको हो ।
उपसमतिलाई बढ्दो संक्रमण रोक्न सरकारले गरेका कामको अनुगमन गर्न र सरकारलाई सुझाव दिने जिम्मेवारी दिइएको छ ।
समिति सभापति जयपुरी घर्तीले उपसमितिको म्याद कोरोना भाइरस संक्रमण अन्त्य नभएसम्म रहने बताइन् ।
उपसमितिमा सांसदहरु जीवनराम श्रेष्ठ, सन्तकुमार थारु, अञ्जना विशंखे, सरिता न्यौपाने, एकवाल मियाँ, नमिता चौधरी र तिलक महत सदस्य छन् ।
