१८ भदौ, राजापुर । बर्दियाको गेरूवा गाउँपालिका -४ का एक महिला र दुई पुरुष कर्णाली नदीमा बेपत्ता भएका छन् । कर्णालीको रजबन्धुवा घाटमा बिहीबार बिहान ११ बजे दाउरा छोप्न गएका उनीहरु बगेर बेपत्ता भएका हुन् ।
बेपत्ता हुनेहरुमा गेरूवा -४ जोधिपुरका ४० वर्षीय बलबहादुर रोकाय, १४ वर्षीय भरत कडायत र १४ वर्षीया पवी रोकाय रहेको जिल्ला प्रहरी कार्यालय बर्दियाले जनाएको छ ।
स्थानीयवासी, नेपाली सेना, सशस्त्र प्रहरी बल र नेपाल प्रहरीको टोलीले बेपत्ताको खोजी गरिरहेको स्थानीय शिक्षक नारायण पौडेलले जानकारी दिए ।
