१९ असोज, काठमाडौं । ललितपुरको महालक्ष्मी नगरपालिकाका मेयर रामेश्वर श्रेष्ठ कोरोना मुक्त भएका छन् । किष्ट मेडिकल कलेज तथा शिक्षण अस्पतालमा उपचार गराउँदै आएका मेयर श्रेष्ठ २१ औं दिनमा सोमबार डिस्चार्ज भएका हुन् ।
अस्पतालमा रहँदा मेयर श्रेष्ठलाई अक्सिजन सपोर्ट दिनुका साथै रेमडेसिभिर औषधि समेत प्रयोग गरिएको अस्पतालले जनाएको छ । उपचारकै क्रममा आइतबार गरिएको पीसीआर परीक्षणको रिपोर्ट सोमबार नेगेटिभ आएसँगै मेयर श्रेष्ठलाई डिस्चार्ज गरिएको अस्पतालले जनाएको छ ।
यो पनि पढ्नुहोस
महालक्ष्मी नगरपालिकाका मेयरलाई कोरोना संक्रमण
गत भदौ २९ गते एक्कासी ज्वरो आएपछि उनी अस्पतालमा भर्ना भएका थिए । सोही दिन पीसीआर परीक्षण गर्दा उनमा कोरोना संक्रमण पुष्टि भएको थियो ।
