काठमाडौं । मन्दिरमा प्रवेश गर्दा हामीले जुत्ता चप्पल फुकाल्छौँ । तर यो दुनियामा एउटा यस्तो मन्दिर छ जहाँ भगवानलाई उल्टै जुत्ता चप्पल मात्र चढाइन्छ ।
भारतको मध्यप्रदेशको राजधानी भोपालमा उक्त अनौठो मन्दिर रहेको छ ।
पहाडि इलाकामा रहेको उक्त मन्दिरको नाम जिजीबाई मन्दिर हो । सो मन्दिरमा जुत्ताचप्पल चढाउने चलन लामो समयदेखि चलिआएको छ ।
देवी दूर्गाको उक्त मन्दिरमा जुत्ता चप्पल चढाएपछि आफ्नो मनको आकांक्षा पूरा हुने जनविश्वास त्यहाँ रहेको छ ।
उक्त मन्दिरमा जुत्ता चप्पल चढाउनका लागि विश्वका विभिन्न देशहरुमा बसोबास गर्ने सो क्षेत्रका मानिसहरुले वर्षेनी विदेशी ब्राण्डेड जुत्ताचप्पल पठाउँदछन् ।
देवीलाई चढाएका जुत्ता चप्पल एक दिनरात मन्दिरभित्रै राखिन्छ र अर्को दिन पुजारीले मानिसहरुलाई बाँडिदिन्छन् ।
मन्दिरमा जुत्ता चप्पल मात्र होइन चश्मा, टोपी तथा घडीहरु तथा अन्य पहिरन समेत चढाउने गरिन्छ । स्थानीय पुजारीले उक्त मन्दिरमा स्थापित दूर्गाको मूर्तिलाई छोरीको रुपमा पूजा गर्ने गरेको बताइन्छ ।
–एजेन्सी