२१ असोज, विराटनगर । प्रदेश १ मा एकैदिन ३४३ कोरोना संक्रमित थपिएका छन् । बुधबार ३४३ जना कोरोना संक्रमित थपिएका हुन् । दैनिक संक्रमण संख्यामा यो हालसम्मकै उच्च संख्या हो । प्रदेश १ मा कोरोना संक्रमितको संख्या ८ हजार ४४७ पुगेको छ ।
प्रदेश १ सामाजिक विकास मन्त्रालयका अनुसार मोरङमा १६२, सुनसरीमा १३५, झापामा ३३, धनकुटामा ४, भोजपुर र इलाममा २/२, पाँचथरमा १ र प्रदेश १ बाहिरका ४ जना संक्रमित थपिएका छन् ।
मन्त्रालयका अनुसार बुधबार विराटनगरमा १३७ जनामा संक्रमण देखिएको छ । संक्रमण देखिएका मध्ये ५७ महिला र ८० पुरुष छन् । सुनसरीको धरानमा ५३ महिला र ६१ पुरुषमा संक्रमण देखिएको छ ।
प्रदेश १ मा बुधबार १० जना डिस्चार्ज भएका छन् । उनीहरु सबै मेची अस्पतालबाट डिस्चार्ज भएका हुन् । योसँगै संक्रमण मुक्त हुनेको संख्या ४ हजार १३२ पुगेको छ ।
प्रदेश १ मा १ लाख ३० हजार ६७१ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4