१४ कात्तिक, काठमाडौं । पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पतालको कोभिड १९ उपचार केन्द्रमा उपचाररत एकजना कोरोना संक्रमित वृद्धाको मृत्यु भएको छ ।
अस्पतालका निर्देशक डा. अर्जुन आचार्यका अनुसार स्याङ्जाको वालिङ नगरपालिका–५ का ७० वर्षीया वृद्धाको उपचारको क्रममा शुक्रबार बिहान ८ः३५ बजे मृत्यु भएको हो ।
वृद्धामा कात्तिक ९ गते कोरोना संक्रमण पुष्टि भएको र आईसीयू कक्षमा राखेर उपचार थालिए पनि उनलाई बचाउन नसकिएको डा. आचार्यले बताए । अस्पतालका अनुसार वृद्धा निमोनिया लगायतका अन्य रोगबाट पनि ग्रसित थिइन् ।
