नेप्सिन कम्पनीले नयाँ प्रविधी बजारमा ल्याएको छ । विश्वका ४० देशमा एकैसाथ प्रयोगमा ल्याउन लागिएको प्रविधीमा नेपाली गीतसंगीतका श्रष्टाहरुले आफ्नो श्रृजनालाई सिधै अमेजन, एप्पल म्यूजिक, स्पोटिफाई, डिजर, पन्डोरा जस्ता विश्वका डेढ सय भन्दा बढी ठूला म्यूजिक स्ट्रिमिङ र म्यूजिक स्टोरमा निःशुल्क विश्वव्यापी वितरण गर्न सक्ने बताइएको छ ।
नेप्सिने रेभुलुशन नाम दिइएको यो प्लेटफर्मको राइट्स म्यानेजमेन्ट फिचर प्रयोग गरेर फेसबुक, टिकटक, इन्स्टाग्राम र पब्जी जस्ता लाइभ गेम स्ट्रिमिङमा प्रयोग हुने आफ्नो श्रृजनाहरुबाट सर्जकले सिधै रोयल्टी पाउन सक्ने बताइएको छ । श्रष्टाहरुले आफ्नो श्रृजनाको अडियोबाट यो कमाई गर्न सक्नेछन् ।
एजेन्ट्स कमिसनमार्फत बचत हुने २० देखि ३० प्रतिशत रोयल्टी पनि सिधै सर्जकले नै पाउने गरि सेटअप गरिएको छ ।
