चलचित्र ‘परदेशी २’को छायांकनका लागि यसको टिम चितवन पुगेको छ । चितवनका रमणीय स्थानमा चलचित्रको छायांकन भैरहेको छ । चलचित्रको छायांकनमा नायिका वर्षा सिवाकोटी पनि जोडिएकी छिन् । वर्षा दशैंको टिका सकेर अमेरिका पुगेकी थिइन् ।
अमेरिकामा आफ्ना प्रेमीसँग करिब एक महिना लामो समय बिताएपछि वर्षा नेपाल आएकी हुन् । नेपाल आएर उनले चलचित्रको छायांकन सुरु गरेकी छिन् । वर्षाले सामाजिक संजालमा शेयर गरेका तस्वीरले पनि उनी ८ महिनापछि चलचित्रको सेटमा फर्किन पाउँदा खुशी देखिएकी छिन् ।
चितवनमा नायिका सिवाकोटी र चलचित्रका नायक प्रकाश सपुतका दृश्यहरु खिचिएका छन् । चितवनमा एक दिन छायांकन गरेर यसको टिम काठमाण्डौ फर्किसकेको छ । अब, चलचित्रको गीतको छायांकन हुने नायिका सिवाकोटीले जानकारी दिइन् । नारायण रायमाझीको निर्देशनमा तयार भैरहेको चलचित्रको छायांकन चितवनअघि पाल्पामा गरिएको थियो । पाल्पामा भने नायक प्रकाश सपुत, नायिका केकी अधिकारी, नायक दिलिप रायमाझी लगायतको दृश्य खिचिएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4