२४ मंसिर, काठमाडौं । अखिल नेपाल किसान महासंघले भारतमा जारी किसान आन्दोलनप्रति ऐक्यबद्धता जनाएको छ ।
महासंघका अध्यक्ष भैरवराज रेग्मीले बुधबार एक प्रेस विज्ञप्ति जारी गर्दै भारतीय किसान आन्दोलनको सफलतालको कामना समेत गरेका छन् ।
भारतमा कृषिक्षेत्रलाई साम्राज्यवादी कर्पोरेट प्रणालीमा रूपान्तरण गरेर किसानमारा नीति अवलम्बन गर्ने मोदी शासनको विरुद्ध किसानहरू हलो–जुवा, ट्रयाक्टरको जुलुससहित भारतभरि प्रदर्शन गरिरहेका महासंघले उल्लेख गरेको छ ।
‘भारतीय किसानको यो आन्दोलनलाई नेपालका किसानहरूले समर्थन गर्दछन् र साम्राज्यवादीको नवउपनिवेशवादी नीतिको विरुद्ध विश्व किसान आन्दोलनप्रति ऐक्यबद्धता प्रकट गर्दछन्’ महासंघले भनेको छ ।
