काठमाडौं । सोमबार काठमार्डौंको खसीबजारमा ट्राफिक प्रहरीलाई आर्थिक प्रलोभनमा पार्न खोज्नेलाई प्रहरीले पक्राउ गरेको छ ।
सोमबार दिउँसो पौने १ बजेतिर खसीबजारमा ड्युटीको क्रममा रहेका प्रहरी हवल्दार शंकर बम सन्यासीलाई रुपन्देहीका ट्रक चालक ४३ वर्षीय एकराज उपाध्यायले आर्थिक प्रलोभनमा पार्ने प्रयास गरेको ट्राफिक प्रहरीले जनाएको छ ।
सन्यासीलाई उपाध्यायले २०० रुपैयाँ घुस दिने प्रयास गरेको ट्राफिक प्रहरीको दाबी छ । उनलाई अहिले महानगरीय प्रहरी प्रभाग कलंकीमा बुझाइएको छ ।
