१६ पुस, काठमाडौं । नेपाल कम्युनिष्ट पार्टी (नेकपा) मा विभाजनपछि दुबै समूहबाट पार्टी निर्माण कार्य तीव्र पारिएको छ । पुष्पकमल दाहाल प्रचण्ड र माधवकुमार नेपाल समूहले साविकको केन्द्रीय संरचना चलाएको छैन । तर, केपी शर्मा ओली समूहले भने केन्द्रदेखि जिल्ला तहसम्म नयाँ नेतृत्व चयन शुरु गरेको छ ।
बुधबारमात्रै काभ्रेमा ओली समूहका अध्यक्ष चयन भएका छन् । भूगोलको नेतृत्व चयन गर्ने जिम्मा प्रदेश इञ्चार्जहरुलाई दिइएको छ । पुस ९ मा बसेको केन्द्रीय कमिटी बैठकले सातै प्रदेशमा इञ्चार्ज चयन गरेको छ । जनसंगठनहरुको पनि संरचना बनाउन इञ्चार्ज टोपबहादुर रायमाझीलाई जिम्मेवारी दिइएको छ ।
एमाले र माओवादीबीच एकीकरण भएपछि जिल्ला अध्यक्ष र सचिव चयन भएका थिए भने जनवर्गीय संगठन (जबस) का संयोजक र सहसंयोजक तोकिएका थिए । पार्टी विभाजनपछि ओली समूहमा उभिने जनसंगठन संयोजकहरु ६ जना देखिएका छन् । २२ मध्ये बाँकी जनसंगठनका संयोजक भने प्रचण्ड र माधव समूहमा उभिएका छन् ।
आठ जनसंगठनका संयोजक र सहसंयोजक नै प्रचण्ड र माधव समूहका छन् । ४४ पदाधिकारी मध्ये ओली समूहमा ११ जना मात्रै छन् ।
२२ जबसका संयोजक र सहसंयोजक को कता ?
१. अखिल नेपाल किसान महासंघ– वामदेव गौतम (तटस्थ), चित्रबहादुर श्रेष्ठ (प्रचण्ड–माधव)
२, अनेरास्ववियू– ऐन महर (ओली), रन्जित तामाङ (प्रचण्ड–माधव)
३, राष्ट्रिय युवा संघ नेपाल – रामप्रसाद सापकोटा दीपशिखा (प्रचण्ड–माधव), रमेश पौडेल (ओली)
४, अखिल नेपाल महिला संघ– अमृता थापा (प्रचण्ड–माधव), सीता पौडेल (ओली)
५, ट्रेड युनयिन महासंघ – विनोद श्रेष्ठ (ओली), जगत सिम्खडा (प्रचण्ड–माधव)
६, पेसागत महासंघ– विश्वनाथ प्याकुरेल (प्रचण्ड–माधव), दयाराम बस्याल (प्रचण्ड–माधव)
७, प्रेस संगठन नेपाल – महेश्वर दाहाल (प्रचण्ड–माधव), गणेश बस्नेत (ओली)
८, खेलकुद महासंघ– पुरुषोत्तम पौडेल (प्रचण्ड–माधव), शिव कोइराला (प्रचण्ड–माधव)
९, जनसांस्कृतिक महासंघ नेपाल – खगेन्द्र राई (ओली), सरल सहयात्री (प्रचण्ड–माधव)
१०, नेपाल बुद्धिजीबी संगठन– डा. दिनेशचन्द्र देवकोटा (प्रचण्ड–माधव), कृष्ण केसी (प्रचण्ड–माधव)
११, नेपाल मुस्लिम संगठन– सराज अहमद फारुखी (ओली), अतहर हुसेन (प्रचण्ड–माधव)
१२, नेपाल दलित मुक्ति संगठन– तिलक परियार (प्रचण्ड–माधव), बोमबहादुर विश्वकर्मा (ओली)
१३, भूतपूर्व सैनिक तथा प्रहरी संगठन– धनबहादुर चन्द (प्रचण्ड–माधव), …. (रिक्त)
१४ मानवअधिकार तथा सामाजिक अभियान– मीनबहादुर शाही (ओली) हुकुम पोखरेल (प्रचण्ड–माधव)
१५, अपाङ्गता संगठन नेपाल– इन्द्रमाया गुरुङ प्रचण्ड–माधव, रामप्रसाद ढंगाना (ओली)
१६, कानुन– रुद्र नेपाल (प्रचण्ड–माधव), दीनमणि पोखरेल (प्रचण्ड–माधव)
१७, नेपाल उद्योग व्यवसायी महासंघ– लक्ष्मीदास मानन्धर (तटस्थ), श्याम पाठक (प्रचण्ड–माधव)
१८, निर्माण व्यवसायी– यज्ञध्वज कार्की (प्रचण्ड–माधव), शिव चौलागाईं (प्रचण्ड–माधव)
१९, आदिवासी जनजाति महासंघ– सुरेश आलेमगर (प्रचण्ड–माधव), शेरबहादुर तामाङ (प्रचण्ड–माधव)
२०, भुमिहीन सुकुम्वासी संगठन– रामप्रीत पासवान (प्रचण्ड–माधव), पदम देवकोटा (प्रचण्ड–माधव)
२१, इन्जिनियर– शम्भुबहादुर श्रेष्ठ (ओली), डा. हरिराम पराजुली (प्रचण्ड–माधव)
२२, प्रवासी नेपाली एकता मञ्च भारत– लोकनाथ भण्डारी (प्रचण्ड–माधव), ईश्वरी भण्डारी (प्रचण्ड–माधव)
