१५ पुस, काठमाडौं । राष्ट्रियसभा सदस्यहरुको कोरोना भाइरस (कोभिड–१९) परीक्षणका लागि स्वाब संकलन भएको छ । राष्ट्रियसभाको हिउँदे अधिवेशन पुस १७ गते अपरान्ह ४ बजे सुरु हुँदैछ ।
बैठक बस्ने अघिल्लो दिन बिहीबार सांसद र संसद सचिवालयका कर्मचारीहरुको निःशुल्क कोभिड–१९ परीक्षण गरिएको हो । ‘४४ जना माननीयसहित एक सय जनाको स्वाब संकलन भएको छ’ राष्ट्रिय सभा सचिव राजेन्द्र फुयाँलले भने ।
बिहीबार स्वाब संकलनमा छुटेका सांसद र कर्मचारीले टेकुस्थित राष्ट्रिय जनस्वास्थ्य प्रयोगशाला गएर स्वाब दिई बैठकमा आउँदा रिपोर्ट लिएर आउन अनुरोध गरिएको फुँयालले जानकारी दिए ।
