८ माघ, गोरखा । पालुङटार नगरपालिका–४ माल्तीगैरामा बिहीबार मृत अवस्थामा चितुवा फेला परेको छ । करिव डेढ बर्षको पोथी चितुवा खोल्सामा मृत भेटिएको पालुङटार सव डिभिजन वन कार्यालयका सहायक वन अधिकृत अर्जुनबहादुर अच्छामीले बताए ।
‘गोठाला गएका स्थानीयहरुले चुलेत्रो भन्ने खोल्सीमा चितुवालाई मरेको अवस्थामा देख्नुभएछ,’ उनले भने, ‘हामीलाइ खबर भएपछि हामी पुग्यौं, प्रहरी र स्थानीयको रोहवरमा मुचुल्का गरेर कार्यालयमा ल्यायौं ।’
जनप्रतिनिधि, स्थानीय र प्रहरीको रोहवरमा मृत चितुवालाई कार्यालयको कम्पाउण्डमा गाडिएको उनले बताए । भालेपोथी झगडाको क्रममा मरेको हुन सक्ने अनुमान कार्यालयको छ ।
‘शरीरभरि लुतो आएको रहेछ, घाँटीमा चोट पनि देखियो, भालेपोथी एक आपसमा झगडा गर्दा मुत्यु भएको हुनसक्ने प्रारम्भिक अनुसन्धानबाट खुलेको छ,’ अच्छामीले भने । चितुवा साढे चार फिट लम्बाइ र डेढ फिट उचाइको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4