१८ माघ काठमाडौं । प्रिमियर लिगमा शीर्ष स्थानको म्यानचेष्टर सिटीले जित हात पार्दा दोस्रो स्थानको म्यानचेष्टर युनाइटेड भने बराबरीमा रोकिएको छ । युनाइटेडले आर्सनलसँग बराबरी खेलेपछि सिटीले ३ अंकको अग्रता समेत बनाएको छ ।
शनिबार भएको खेलमा सिटीले सिटीले शेफिल्ड युनाइटेडलाई १-० ले पराजित गर्यो । घरेलु मैदानमा सिटीलाई जित दिलाउन गाब्रिएल जेससले खेलको नवौं मिनेटमा गरेको गोल नै निर्णायक बन्यो ।
अर्को खेलमा युनाइटेड र आर्सनलले गोलरहित बराबरी खेल्दै अंक बाँडे ।
सिटी २० खेलबाट ४४ अंकसहित शीर्ष स्थानमा छ । २१ खेल खेलेको युनाइटेड ४१ अंकसहित दोस्रो स्थानमा छ । २१ खेलबाट ३१ अंक जोडेको आर्सनल चेल्सीलाई पछि पार्द नवौं स्थानमा उक्लेको छ ।
उता सातौं स्थानको एभरटन घरेलु मैदानमै न्युकासलसँग २-० ले पराजित भएको छ । एभरटनको १९ खेलबाट ३३ अंक छ । जितपछि २२ अंक जोडेको न्यूकासल १६औं स्थानमा छ ।
