२१ माघ, काठमाडौं । जनता समाजवादी पार्टीका अध्यक्ष उपेन्द्र यादवले संवैधानिक निकायहरुमा भएको नियुक्ति असंवैधानिक र अनैतिक भएको बताएका छन् ।
जसपा अध्यक्ष यादवले अनलाइनखबरसँग भने, ‘काम चलाउ सरकारले असंवैधानिक अध्यादेश ल्याएर कामचलाउ सरकारले गरेको नियुक्ति अनैतिक र असंवैधानिक हो ।’
विवादका बीच सरकारको सिफारिसमा राष्ट्रपति विद्यादेवी भण्डारीले बुधबार अख्तियार दुरुपयोग अनुसन्धान आयोग, निर्वाचन आयोग लगायतका संवैधानिक निकायहरुमा नियुक्ति गरेका थिइन् । त्यसको विरोध गर्दै नेकपा प्रचण्ड–माधव समूहले भोलि बिहीबार आम हड्तालको आह्वान गरेका छन् ।
