२०७७ माघ २८ गते १६:०८ 
२८ माघ, काठमाडौं । पोखरामा जारी टाइगर कप आमन्त्रित राष्ट्रिय क्लब भलिबल च्याम्पियनसिपको पुरुषतर्फ विभागीय टाेली एपीएफले विजयी सुरुवात गरेको छ ।
पोखरा रंगशालामा बुधबार भएको राेमाञ्चक खेलमा एपीएफले अर्काे विभागीय टिम नेपाल पुलिस क्लबलाई ३-२ को सेटमा पराजित गरेकाे हाे ।
निकै प्रतिस्पर्धात्मक बनेको खेलमा एपीएफले सुरुवाती दुई सेट २७-२५, २५-२० ले जित्दै खेलमा २-० काे अग्रता बनाएकाे थियाे । तर त्यसपिछ पुलिसले दुई सेट लगातार २५-२०, २५-९ ले जित्दै खेल बराबरीमा पुर्याएकाे थियाे । पाँचाै तथा निर्णायक सेट १५-१० ले जित्दै एपीएफले खेल जितेकाे हाे ।
पहिलाे खेलमा गण्डकी प्रदेशलाई पराजित गरेकाे पुलिसको यो पहिलो हार हो ।
बुधबार नै भएको पहिलो खेलमा गण्डकी प्रदेशले त्रिभुवन आर्मी क्लबलाई ३-१ काे सेटमा हराएकाे थियाे ।
प्रतिक्रिया 4