काठमाडौं । गायक प्रताप दासको स्वरमा ‘हँसाउने उही छ’ गीत सार्वजनिक भएको छ ।
चन्द्र प्रसाई ‘परिस्कृत’को शब्द रहेको गीतमा राजेन्द्र सुवेदीको संगीत छ । संगीत संयोजन पनि सुवेदीले नै गरेका छन् ।
नेपाली भजनको संज्ञा दिइएको यो गीतको म्युजिक भिडियोमा कलाकार पुष्पराज पुरुष, उत्तम केसी लगायतको अभिनय छ । देवेन्द्र पाण्डेले निर्देशन रहेको भिडियोमा चक्र बरालको छायांकन र विकाश दाहालको सम्पादन छ ।
गीतकार प्रसाईको केही दिन अगाडि ‘पुरानो घाउ’ बोलको गीत सार्वजनिक भएको थियो ।
