भारतको आयकर विभागले बलिउड नायिका तापसी पन्नु र निर्देशक अनुराग कश्यपको घरमा छापा मारेको छ । उनीहरुले कर छली गरेको आशंकमा छापा मारिएको भारतीय मिडियाले उल्लेख गरेका छन् । यस्तै, चलचित्रकर्मी विकास वाहलको घरमा पनि आयकर विभागले छापा मारेको छ ।
अनुरागको फिल्म निर्माण कम्पनी फ्यान्टमसँग सम्बन्धित रहेर आयकर विभागले छापा मारेको मिडिया रिपोर्टमा उल्लेख छ । मुम्बइमा यी बलिउडकर्मीको घरका साथै अन्य विभिन्न २० स्थानमा पनि आज आयकर विभागले छापा मारेको छ ।
उनीहरुलाई कर छली गरेको आरोप लागेको छ । तापसी र अनुराग चलचित्र ‘दोबारा’को छायांकनमा व्यस्त छन् ।
अनुराग र तापसीले भारतमा चलिरहेको किसानहरुको आन्दोलनमा पनि समर्थन गरेका थिए ।
