काठमाडौं । इटालियन सिरी ए मा दोस्रो स्थानको एसी मिलानले हेलास भेरोनालाई पराजित गर्दै शीर्ष स्थानको इन्टरसँग अंकदूरी कम गरेको छ । एसी मिलानको जितपछि यी दुई टिमबीच अंकदूरी ३ मा झरेको छ ।
आइतबार भएको खेलमा मिलानले हेला भेरोनालाई उसैको मैदानमा २-० ले पराजित गरेको हो ।
एसी मिलानका लागि राडे क्रुनिक र ५०औं मिनेटमा डिएगो डालोटले गोल गरे ।
जितपछि एसी मिलानले २६ खेलबाट ५६ अंक जोडेको छ । शीर्ष स्थानको इन्टरको २५ खेलबाट ५९ अंक छ ।
इन्टरले सोमबार एटलान्टासंग खेल्दैछ र उक्त खेल जितेमा फेरि एसी मिलानमाथि ६ अंकको अग्रता बनाउनेछ ।
यस्तै अर्को खेलमा जेनोओलाई १-० ले पराजित गर्दै रोमा चौथो स्थानमा उक्लेको छ । रोमाको २६ खेलबाट ५० अंक भएको छ ।
