२ चैत, काठमाडौ । इटालियन सिरी ए मा दोस्रो स्थानको एस मिलान नापोलीसँग पराजित हँदा शीर्ष स्थानको इन्टर मिलानलाई फाइदा पुगेको छ ।
आइतबार भएको खेलमा इन्टरले टोरिनोलाई २-१ ले पराजित गर्दै एसी मिलानमाथि ९ अंकको अग्रता बनाएको थियो ।
एसी मिलानलाई अग्रता कम पार्ने अवसर थियो । तर एसी मिलान नापोलीसँग १-० ले पराजित भएपछि इन्टरले ९ अंककै अग्रता कायम राख्न सफल भएको छ ।
१० खेलाडीमा रहेर खेलको अन्त्य गरेको एसी मिलान घरेलु मैदानमै पराजित भएको हो ।
नापोलीलाई जित दिलाउन माटियो पोलीटानोले निर्णायक गोल गरे । उनले ४९ औं मिनेटमा गोल गरेका थिए ।
खेलको इन्जुरी टाइममा एन्टे रेबिकले रातो कार्ड पाएपछि घरेलु टिम एसी मिलान केही समय १० खेलाडीमा समेटिएको थियो ।
जितपछि २७ खेलबाट ५६ अंक जोडेको नापोली अंकतालिकामा पाँचौं स्थानमा उक्लिएको छ ।
समान खेलबाट ५६ अंकसहित एसी मिलान दोस्रो स्थानमै यथावत छ । शीर्ष स्थानको इन्टरको २७ खेलबाट ६५ अंक भएको छ ।