२ वैशाख, काठमाडौं । नेपाली सेनाले काठमाडौं-तराई-मधेश द्रूतमार्ग सडक आयोजनाबारे केटीएफटी जर्नल प्रकाशन गरेको छ । सडक आयोजनाले प्रकाशन गरेको जर्नलको प्रधानसेनापति पूर्णचन्द्र थापाले विमोचन गरेका छन् ।
बिहीबार जंगीअड्डामा आयोजित कार्यक्रमकाबीच थापाले सार्वजनिक गरेको जर्नलमा ११ अनुसन्धानमूलक र ९ वटा जानकारीमूलक गरी २० वटा लेख संग्रहित छन् ।
भविष्यमा हुने रणनीतिक, भौतिक संरचनाहरुको निर्माण, राष्ट्रिय गौरवका आयोजना तथा सम्बद्ध विषयमा रुची राख्ने नागरिकलाई उपयोगी हुने विश्वासले जर्नल निकालिएको सेनाले जनाएको छ ।
विमोचन कार्यक्रममा उत्कृष्ट लेख लेख्ने लेखकलाई पनि पुरस्कृत गरिएको छ ।
