काठमाडौं । इटालियन सिरी ए मा साविक विजेता युभेन्ट्स एटलान्टासँग १-०ले पराजित भएको छ । आइतबार भएको खेलमा खेल सकिन तीन मिनेट अगाडि गोल गर्दै एटलान्टाले जित हात पारेको हो ।
एटलान्टाका लागि ८७औं मिनेटमा रुस्लान मालिनोभस्कीले निर्णायक गोल गरे ।
हारपछि युभेन्ट्स अंकतालिकामा चौथो स्थानमा झरेको छ भने एटलान्ट तेस्रो स्थानमा उक्लो छ ।
३१ खेलबाट ६४ अंक जोडेको एटलान्टा दोस्रो स्थानको एसी मिलानभन्दा २ अंकले मात्र पछि छ ।
समान खेलबाट युभेन्ट्सको ६२ अंक छ ।
आइतबारै भएको खेलमा एसी मिलानले जेनोअलाई २-१ ले पराजित गरेको थियो । मिलानको जितमा एन्टे रेबिक र स्कामाकाले एक एक गोल गरे ।
