+
+

मकवानपुरमा छुट्टाछुट्टै सवारी दुर्घटनामा एकजनाको मत्यु, ८ जना घाइते

अनलाइनखबर अनलाइनखबर
२०७८ वैशाख ८ गते १४:१६

८ वैशाख, हेटौंडा । मकवानपुरको मनहरी र मकवानपुरगढी गाउँपालिकामा भएका सवारी दुर्घटनामा एकजनाको मृत्यु भएको छ भने आठ जना घाइते भएका छन् ।

हेटौंडाबाट मनहरीतर्फ जाँदै गरेको बा २ ख ९०२९ नम्बरको ट्रकले ओभरटेक गर्ने क्रममा ना ३१ प ८४२७ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको छ । मृत्यु हुनेमा हेटौंडा उपमहानगरपालिका–१९ का ३० वर्षीय गुणसिंह वाइबा रहेको प्रहरीले जनाएको छ । मोटरसाइकलमा सवार उदयपुर घर भएका २७ वर्षीय मुकेश परियार घाइते भएका छन् ।

घाइते परियारको हेटौंडास्थित चुरेहिल अस्पतालमा उपचार भइरहेको जिल्ला प्रहरी कार्यालय मकवानपुरले जनाएको छ । ट्रक तथा चालक प्रहरी नियन्त्रण रहेको बताइएको छ ।

यस्तै कान्ति लोकमार्गको मकवानपुरगढी गाउँपालिका–१ कर्मे खोलामा जन्ती बोकेको सुमो दुर्घटना हुँदा ७ जना घाइते भएका छन् ।

बकैया–४ बाट जन्ती बोकेर ठिङ्गन जाँदै गरेको ना १ ज १७५१ नम्बरको सुमो दुर्घटना भएको हो । दुर्घटनामा घाइतेमध्ये तीनजनाको अवस्था गम्भीर रहेको छ । उनीहरुको हेटौंडाको चुरेहिल अस्पतालमा उपचार भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?