८ वैशाख, काठमाडौं । वीपी कोइराला स्वास्थ्य विज्ञान प्रतिष्ठान धरानमा कोरोना भाइरस (कोभिड–१९) संक्रमणबाट एकजनाको मृत्यु भएको छ ।
अस्पतालका सहप्रवक्ता डा. चुरामणि पोखरेलका अनुसार सुनसरीको इटहरी उपमहानगरपालिका–२ की ७८ वर्षीया महिलाको उपचारको क्रममा मृत्यु भएको हो ।
चैत २४ गते गरिएको पीसीआर परीक्षणमा उनको रिपोर्ट पोजेटिभ आएको थियो । संक्रमण पुष्टि भएसँगै अस्पतालको कोभिड वार्डमा भर्ना भएकी उनको उपचारको क्रममा बुधबार दिउँसो १ः५८ बजे मृत्यु भएको डा. पोखरेलले बताए ।
