१२ वैशाख, धनगढी । डडेल्धुरामा ट्रयाक्टर दुर्घटना हुँदा चालकको मृत्यु भएको छ ।
आइतबार दिउँसो अजयमेरु गाउँपालिका-१ इरानी खोलामा से २ च १४७२ नम्बरको ट्रयाक्टर दुर्घटना हुँदा चालक कैलालीको गौरीगंगा नगरपालिका–१ का २८ वर्षीय प्रेम खड्काको मृत्यु भएको प्रहरीले जनाएको छ ।
दुर्घटनामा परेर ट्रयाक्टरमा सवार पवन सिजापती घाइते भएका छन् । उनको स्थानीय अस्पतालमा उपचार भइरहेको छ भने दुर्घटनाको कारण भने नखुलेको प्रहरीले जनाएको छ ।
