१९ वैशाख, काठमाडौं । नेपालका लागि अमेरिकी राजदूत रेण्डी बेरीले शनिबार मध्यान्ह अमेरिकाले नेपाललाई कोरोना महामारीविरुद्ध लड्नका लागि ८५ लाख बराबरको अमेरिकी डलर सहयोग गर्न लागेको भन्दै सामाजिक सञ्जालमा जानकारी गराए ।
उनले एक ट्वीट गर्दै अमेरिका नेपालको लामो समयदेखिको मित्र भएको र कोरोनाविरुद्धको लडाईंमा आफूहरुको ऐक्यवद्धता रहेको उल्लेख गरे । नेपाललाई सहयोग गर्ने राजदूतको सो घोषणाको ट्वीटरमा प्रशंसा भइरहेको छ ।
The US is donating an additional $8.5 million to Nepal for #COVID19 relief. We’ve been a longtime friend of 🇳🇵& Nepalis. As a nation that has deeply struggled w/ this virus, the US stands in solidarity w/ Nepal as it faces COVID-19’s ruthlessness.
Together, we will #beatthevirus. pic.twitter.com/gsx6KIv6Jy— Ambassador Randy Berry (@USAmbNepal) May 1, 2021
तर ट्वीटर प्रयोगकर्ता नेपालीले राजदूतलाई नगद भन्दा पनि कोराना खोप सहयोग गर्न आग्रह गरेका छन् । राजदूतको ट्वीटरमा मेन्सन र रिप्लाई गर्दै धेरैले अमेरिकासँग एष्ट्राजेनिकाको ६ करोड खोप भण्डारण रहेको भन्दै केही नेपाललाई उपलब्ध गराउन आग्रह गरिरहेका छन् । केही प्रयोगकर्ताले नगद भन्दा पनि खोप सहयोग गर्न आग्रह गरेका छन् ।
अमेरिकाले केही दिन पहिले आफूसँग भएको ६ करोड खोप विभिन्न मुलुकलाई वांड्ने घोषणा गरेको थियो । यस विषयमा भारतले अमेरिकासँग कुराकानी गरिरहेको छ भने नेपालले पनि पहल सुरु गरेको जानकारी परराष्ट्रमन्त्री प्रदीपकुमार ज्ञवालीले सार्वजनिक रुपमा नै गरेका छन् ।
राजदूतलाई केही प्रयोगकर्ताले सो खोप नेपालमा समेत ल्याउन पहल गर्न आग्रह गरेका छन् । राजदूतको ट्वीट रिप्लाई गदै विश्व पराजुलीले भनेका छन,‘आभारी छौं र औधी प्रशंसनीय छ । आशा छ यो सहयोगमा जीवन बचाउने कोभिड भ्याक्सिन पनि छ ।’ पराजुली जस्तै धेरैले खोप नै सहयोग गर्न आग्रह गरेका छन् ।
