२९ वैशाख, काठमाडौं । नेपालले इजरायल र प्यालेष्टाइनबीच बढ्दो तनावप्रति चासो व्यक्त गरेको छ । केही दिनयता चर्केको द्वन्द्वका कारण दर्जनौं व्यक्तिको मृत्यु भएको छ भने सयौं घाइते भएका छन् ।
परराष्ट मन्त्रालयले बुधबार ट्वीटरमार्फत दुवै पक्षलाई अधिकतम संयम अपनाउन र थप मानवीय क्षति र विध्वंश रोक्न आग्रह गरेको छ ।
मन्त्रालयले समस्याको समाधानको लागि शान्तिपूर्ण माध्यमतर्फ अग्रसर हुन समेत आग्रह गरेको छ ।
