News Summary
Generated by OK AI. Editorially reviewed.- परराष्ट्र मन्त्रालयले बाढी तथा पहिरो प्रभावित क्षेत्रमा सुरुङभित्र र वरपर निकालिएका शवको यकिन विवरण अद्यावधिक गरिरहेको जनाएको छ ।
- मन्त्रालयका प्रवक्ता लोकबहादुर पौडेल क्षेत्रीले उद्धारमा प्रयोग हुने उपकरणको आवश्यकताबारे साझेदार निकायसँग थप सहयोग मागिएको बताए ।
- क्षेत्रीले हाल सरकारको मुख्य प्राथमिकता खोज तथा उद्धार रहेको र पुनर्निर्माणबारे पछि विस्तृत अध्ययन अघि बढाइने बताए ।
१८ भदौ, काठमाडौं । परराष्ट्र मन्त्रालयले बाढी तथा पहिरो प्रभावित क्षेत्रका सुरुङहरूमा भएको उद्धार र मानवीय क्षतिको यकिन विवरण संकलन भइरहेको जनाएको छ ।
मन्त्रालयका प्रवक्ता लोकबहादुर पौडेल क्षेत्रीले बिहीवार आयोजित नियमित पत्रकार सम्मेलनमा बोल्दै उद्धार कार्य र आगामी कार्ययोजनाबारे जानकारी दिएका हुन् ।
उद्धार कार्यमा प्रयोग भइरहेका मेसिनरी तथा उपकरणहरूको अभाव र गुणस्तरबारे सोधिएको प्रश्नमा प्रवक्ता क्षेत्रीले उपकरणको आवश्यकता महशुस गरी थप सहयोगका लागि साझेदार निकायहरूसँग अनुरोध गरिएको जानकारी दिए ।
‘सुरुङ र त्यसको वरपरको क्षेत्रबाट शवहरू निकालिएको रिपोर्ट प्राप्त भएपनि ती सुरुङभित्रका हुन् वा बाहिरका हुन् भन्नेबारे मन्त्रालयले विवरण अद्यावधिक गरिरहेको छ । सम्बन्धित निकायबाट आधिकारिक जानकारी प्राप्त हुनासाथ यसबारे थप प्रष्ट पारिनेछ,’ उनले भने ।
यद्यपि, प्रयोगमा रहेका उपकरणहरू बिग्रिएको वा काम नलाग्ने अवस्थामा रहेको भन्नेबारे मन्त्रालयलाई कुनै औपचारिक जानकारी प्राप्त नभएको उनले बताए ।
‘कुन क्षेत्र बसोबास योग्य छ र कुन छैन भन्ने विषयमा सम्बन्धित निकायहरूले अध्ययन गरिरहेका छन् । खोज र उद्धारको कार्य सकिएपछि मात्र रेजिलेन्ट रिकन्स्ट्रक्सन (उत्थानशील पुनर्निर्माण) को योजनाअनुसार विस्तृत अध्ययन अघि बढाइनेछ,’ उनले भने ।
विपद् प्रभावित क्षेत्रको पुनर्निर्माण र भविष्यमा बसोवासको सम्भाव्यताबारे बोल्दै प्रवक्ता क्षेत्रीले हाल सरकारको मुख्य प्राथमिकता खोज तथा उद्धारमा रहेको पनि उनले जानकारी गराए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4