२२ जेठ, काठमाडौं । नेपालको कोरोना नियन्त्रणका लागि दक्षिण कोरियाले दुई लाख अमेरिकी डलर बराबरको स्वास्थ्य साम्रगी सहयोग गरेको छ । अन्तर्राष्ट्रिय विकास साझेदार संस्था कोइकामार्फत पीसीआर परीक्षण किट सहयोग गरेको नेपाली दूतावासले जानकारी दिएको छ ।
शूक्रबार नै उक्त किट नेपाललाई हस्तान्तरण भैसकेको छ । नेपालका लागि दक्षिण कोरियाली राजदूत पार्क छङसुकले स्वास्थ्य तथा जनसंख्या मन्त्रालयका प्रमुख विशेषज्ञ तथा स्वास्थ्य समन्वय विभाग प्रमुख डा. रोशन पोखरेललाई त्रिभूवन अन्तर्राष्ट्रिय विमानस्थलमा हस्तान्तरण गरेका हुन् ।
सहयोग सामग्रीमा नमुना संकलन गर्न, स्थानान्तरण गर्न र स्थिर परीक्षण गर्नका लागि आवश्यक विभिन्न ३ प्रकारका किटहरु उपलब्ध छ ।यो किटबाट १७ हजार ७६० जनाको पीसीआर परीक्षण गर्न सकिने छ ।
साथै कोइकामार्फत ३७८ थान अक्सिजन कन्सन्ट्रेटर उपलव्ध गराउने प्रक्रिया पनि अगाडि बढाइएको र उक्त सामग्री नेपाल सरकार स्वास्थ्यतथा जनसंख्या मन्त्रालयलाई जुलाइ वा अगष्ट सम्महस्तान्तरण गर्ने बताइएको छ ।
