८ असार, काठमाडौं । नेपाली कांग्रेसले राष्ट्रिय प्रजातन्त्र पार्टीबाट कांग्रेस प्रवेश गरेका सुनील थापासहित ५५ जनालाई महासमिति सदस्यमा मनोनित गरेको छ ।
पार्टी केन्द्रीय समिति निर्णय अनुसार उनीहरुलाई महासमिति सदस्यमा समायोजन गरिएको कांग्रेसले जनाएको छ । थापा भने कांग्रेसको सहमहामन्त्री छन् ।
महासमितिमा थापासहित रामकृष्ण भट्टराई, विष्णुविक्रम थापा, बाबुराम बस्नेत, बृजलाल यादव, किरण गिरीलगायत छन् ।
कांग्रेस केन्द्रीय पार्टी कार्यालयका मुख्यसचिव कृष्ण प्रसाद पौडेलले पार्टी समायोजनको सहमति अनुसार महासमिति मनोनित गरिएको बताए । थापा २०७७ साउन १३ गते कांग्रेस प्रवेश गरेका थिए ।
