३० असार, काठमाडौं । अष्ट्रेलियन बिग बास लिग (बीबीएल) टी२० क्रिकेटको ११औं संस्करण आगामी डिसेम्बरको पहिलो सातादेखि सुरु हुने भएको छ ।
क्रिकेट अष्ट्रेलियाले नयाँ सिजनको लागि सार्वजनिक गरेको खेलतालिका अनुसार बीबीएल डिसेम्बर ५ देखि सुरु हुनेछ । पहिलो खेलमा सिड्नी सिक्सर्स र मेलवर्न स्टार्स भिड्नेछन् ।
यस्तै फाइनल खेल २०२२ जनवरी २८ मा हुनेछ । यसअघि पछिल्लो तीन सिजन फेब्रुअरीसम्म लम्बिएको थियो । यसपटक जनवरीमै सकाउने गरी खेलतालिका बनाइएको छ ।
खेलहरु १४ वटा भेन्यूमा आयोजना हुनेछन् ।
